惜食故事

FOOD-CO x 嘉里物業管理服務有限公司 賀年食品回收大募集

日期 : 22/02/2022

好多人都會喺農曆新年期間送賀年食品同禮盒畀身邊人,藉此表達關心同祝福。假如收到太多食品,都可以捐贈畀有需要嘅人,既唔會浪費,同時亦係將新年祝福傳播到更多人手中。

今年FOOD-CO好榮幸同嘉里物業管理服務有限公司合作,喺5個屋苑擺設收集箱,收集賀年食物同乾糧。感謝大家嘅熱烈支持,截至2月11日,活動已經收集到120公斤食物。我哋會將呢啲食物同心意轉交畀有需要嘅基層家庭 。

雖然農曆新年已經過去,但本地糧食分配不均嘅問題仍然嚴重,我哋誠邀大家將食物回收變成生活習慣,令更多基層市民得到溫飽。等我哋做多一步,由分享食物開始,關心社會上嘅有需要人士!

加入 FOOD-CO 團隊 前往食物共享地圖
使用條款及免責聲明
搜尋