媒體報導

Executive日記——唔做「大嘥鬼」 拯救年桔、桃花、糕點 回收行動免費再派出

日期 : 22/02/2018

每逢農曆新年,大家慶祝過後,總係會有唔少剩餘物資,例如食唔晒嘅賀年食品咁,唔想做「大嘥鬼」,Kelly有妙法!依家有多間機構舉行賀年食品回收活動,大家可以將食唔晒嘅糖果、糕點等送過去。另外,唔少環保團體都喺年宵市場執到剩餘物資,包括書、玩具、枱櫈等,未來幾日將會免費向市民派發,大家可以去領取!

聖雅各福群會、長春社、食德好等多間機構正收集包裝完整、尚未開封及未過最佳食用日期嘅賀年食品,包括賀年糕點、零食、餅乾、糧油類生活食品,或者現金禮券。而環保協進會依家亦回收年桔,環保署就會喺下月提供桃花回收服務。另外,小妹知道每年年宵過後,有唔少檔主都不負責任咁留低好多賣剩貨物同物資喺會場,近年多咗啲環保團體同有心人自發拯救物資,先令佢哋逃過送去堆填區嘅命運,今年有幾個團體都繼續拯救物資,仲會喺本周進行派發活動,小妹見到有好多枱櫈、傢俬,大家可以去「綠在元朗」、「綠在深水埗」等地點領取!

Kelly Chu

 

Source: 頭條日報 | 20180222

加入 FOOD-CO 團隊 前往食物共享地圖
使用條款及免責聲明
搜尋