(function(d,s,a,b){a=d.createElement(s);b=d.getElementsByTagName(s)[0];a.async=1;a.src="https://static.addtoany.com/menu/page.js";b.parentNode.insertBefore(a,b);})(document,"script");

媒體報導

搵聖雅各協調派飯 社創基金一箭雙鵰

日期 : 27/06/2016

為咗照顧貧苦大眾嘅三餐,好多慈善機構都有設立社區飯堂派飯。但Ray聽講,負責派飯嘅慈善機構,本身亦面對著資源分配不均嘅情況。雖然有唔少商界人士都有心捐錢捐食物支持派飯,但係基於種種原因,唔少飯堂仍要跨區接受捐贈食物,運作成本高昂,所以每日都有大量剩食無法善用。

社創基金今日就宣布委聘聖雅各福群會,負責旗下的食物援助旗艦項目,同以往嘅食物援助計劃唔同,項目著重協調如食物捐贈者與社福機構,加強食物捐贈者、營運者、受助組織及受助人士嘅溝通,分享如食物供求情況及相關服務等資訊,解決依家香港食物援助服務供求不平衡嘅問題。

聖雅各福群會預計,項目最快2017年可以喺3個地區試行,2019年中可以擴展至全港18區,到2019年底,預計全港每日就可以提供超過5萬份熱食及包裝食品,比現時嘅供應足足增加五成,受惠人數亦將比依家多三成,超過兩萬人。

今次計劃的好處不止令人人有飯開,仲可以增加食物捐贈比例,解決香港剩食嚴重嘅問題,變相減少食物浪費。社創基金呢次都可以話係一箭雙鵰!

投身傳媒工作多年,由市場研究做起,一直與公關、廣告、新聞界結下不解緣,心境永遠青春。

Source: am730 | 2016-06-27

加入 FOOD-CO 團隊 前往食物共享地圖
使用條款及免責聲明
搜尋