廚餘經處理後可以轉化成有用資源，甚至用嚟發電！喺2020年，香港每日有大概3,300噸廚餘被送到堆填區，當中有近三份一嚟自工商業。棄置廚餘除咗造成資源浪費之外，亦對堆填區造成沉重負擔。
由今年４月開始，環保署嘅「廚餘收集先導計劃」會與FOOD-CO合作，為餐飲業、酒店、膳食供應商、食品製造商、貿易公司同物流公司等提供更完善服務；可食用嘅食物可透過FOOD-CO捐贈畀社會上有需要人士，不可食用嘅廚餘就可以透過參與環保署「廚餘收集先導計劃」，收集同運送到有機資源回收中心第一期(O·PARK1)，轉化成能源同埋堆肥，更全面解決食物浪費問題。
FOOD-CO將會喺６月舉辦網上工作坊畀相關公司或機構更深入了解計劃詳情。有興趣嘅企業可以密切留意我哋Facebook，又或瀏覽以下網站︰
1. https://www.epd.gov.hk/…/prob_sol…/food_waste_challenge.html
2. https://www.opark.gov.hk/tc/index.php
轉廢為能需要各界支持，加入計劃，一齊為改善食物浪費出一分力。如有任何疑問，可以電郵至 fwc@epd.gov.hk。