【賀年禮盒回收】聖誕節過完無耐就過農曆年。以上兩個節日，去探朋友都必買禮物以表心意。雖然「禮」多人不怪，但收得太多無辦法全部食晒，除咗送去垃圾桶又有無一啲既唔浪費又幫到人嘅做法呢？今年3個惜食平台分別推岀賀年禮盒回收計劃，喺全港各區設立多個回收點，遍佈港九新界包括商場同屋苑等。回收計劃當然係希望將物資送到有需要嘅人嘅手上，將祝福同愛互相分享。
1. 社區共享雪櫃 藍雪櫃
於2020年11月成立嘅首批社區雪櫃，位於佐敦吳松街86號嘅藍雪櫃1號同佐敦文苑街47號藍雪櫃2號 。負責人簡仲文受電影《麥路人》其中一幕郭富城對另一個無家可歸嘅年輕人講：「要是沒錢，附近小店的門口有個雪櫃，老闆會把賣不完的東西留給街坊。」就是戲內寫上「食物銀行」嘅雪櫃所啟，遂決定仿效電影嘅做法。於辦公室旁嘅垃圾收集站檢獲一個雪櫃，然後用藍色油漆裝飾這個雪櫃。藍色有藍天白雲嘅意思，希望吳松街嘅街坊盡早找到自己嘅一片新天；雨過總會天晴。社區共享雪櫃藍雪櫃1號相當歡迎市民參與佢嘅禮盒回收計劃。但禮盒回收同平時放物資到藍雪櫃會有少少唔同，負責人希望送贈禮盒嘅人預先通知佢哋，然後佢哋會再進行分拆並重新包裝，再放到藍雪櫃，等更加多人受惠，同時唔好比貪心嘅人成盒攞走。另一方面，更會安排上門探訪同派畀啲行動不便嘅老友記。
收集日期： 即日起
收集地點： 藍雪櫃1號：佐敦吳松街86號（顯示地圖)
藍雪櫃2號：佐敦文苑街47號（顯示地圖)
聯絡及查詢：Blue Fridge Project 藍雪櫃
2. 賀年食品及乾糧收集行動FOOD-CO
全港首個全方位食物援助協作平台FOOD-CO由1月3日起至2月11日期間，推出「賀年食品及乾糧收集行動」，收集賀年食品，之後會轉贈有需要的家庭，推廣「惜食共享」精神。
市民捐贈嘅賀年禮盒食物種類包括但不限於賀年禮盒、米、麵及罐頭，基於食物安全考慮，機構只接受包裝完整及距離最佳食用日期不少於8星期嘅耐存食品。
收集日期： 1月3日起至2月11日
收集地點：
1. 聖雅各福群會總會902室 香港灣仔石水渠街85號（顯示地圖)
2. 眾膳坊總辦事處（西安中心） 香港西營盤西安里10號福祥閣地下1-3號舖（顯示地圖)
3. 聖雅各福群會總會慈惠軒（石硤尾） 九龍石硤尾大坑西邨民興樓地下1-3號舖（顯示地圖)
（更多詳情及收集點請向機構查詢）
3.食德好：膳心貫全城
「食德好」從2009年開始恆常從街市收集收市後會被丟棄的完好蔬菜、水果分享給有需要人士，為全港第一個食物回收分享計劃；截止2020年7月，「食德好」食物回收計劃一共收集約1500公噸食物。今年，機構將於全港設立50個賀年禮盒及食物公眾回收點。由年初七（2月7日）起至3月31日，歡迎市民捐贈賀年禮品，回收後將會送到有需要的基層市民手上️轉廢為愛。
由於疫情嚴峻，機構不接受破損或已開封嘅食物，亦呼籲市民捐贈食物前先清潔或消毒雙手，減低感染風險。
收集日期： 2月7日至3月31日
收集地點：更多詳情及收集點請向機構查詢
Source: 新假期 | 20220204