廚餘係本地都市固體廢物中嘅最大類別。喺2020年，香港每日大約有3,300噸廚餘被送到堆填區，大概相等於兩千萬個蘋果，當中有3成係嚟自工商業。將廚餘棄置喺堆填區，除咗唔符合可持續發展原則之外，亦會消耗堆填區有限空間同埋浪費珍貴嘅有機資源，造成不良嘅環境影響。
由今年4月起，FOOD-CO同環保署嘅「廚餘收集先導計劃」合作，仍可食用嘅食物將會透過FOOD-CO捐贈畀社會上有需要人士唔單止可以達到關懷社會同減少廚餘嘅目的，亦有助解決食物分布不均問題。另外，不可食用嘅廚餘就可以透過參與環保署「廚餘收集先導計劃」收集同埋運送到有機資源回收中心第一期（O·PARK1) 進步處理，轉化成能源同堆肥。妥善將廚餘同垃圾分開除左可以改善臭味同埋衛生問題，亦可以減低垃圾量從而節省垃圾處理費。
改善食物同埋資源浪費問題有賴各界合作，特別需要餐飲業、酒店、膳食供應商、食品製造商、貿易公司同物流公司等等嘅工商業界支持。我哋將會喺六月舉辦網上工作坊，分享廚餘回收需要嘅注意事項同「廚餘收集先導計劃」詳情，有興趣嘅機構同企業千祈唔好錯過呢個機會啊！
廚餘回收網上工作坊詳情︰
- 日期︰2022年6月29日
- 時間︰15:00至16:30
- 對象︰食物工商業
內容︰
- 處理廚餘的挑戰
- 廚餘管理策略
- 廚餘收集服務流程
- 政府支援
- 發問環節
如果有任何疑問，歡迎電郵至 fwc@epd.gov.hk。